Page 28 - KPA

tuma lugar riba nos isla? Of awor e mandatario direpiente a soluciona tur
criminalidad?

Tur ora miembronan di prensa ta wordo tilda di ta obstrui trabou di polis, di ta
saca informacion confidencial ora di investigacionnan y di lo supuestamente tin

radio di polis ilegal den nan poder. Pero awo ta e miembro di prensa cu ta keiro
anochi cu polis y minister den su auto ora di accionnan, ta hustamente e

miembro di prensa cu awor ta bai ekipa cuerpo policial cu uniform. Ni e
mandatario di husticia por ekipa cuerpo policial drechi! Awor ta prensa tin cu

bisti nos polisnan!

Con mester wak e relacionnan entre cuerpo policial, minister y prensa? Mayan e

miembro di prensa ey en cuestion hay’e confronta cu polis, no por bis’e nada
paso e lo bisa e agentenan cu ta danki na dje nan tin uniform. Anochi minister

di husticia ta keiro den auto di e miembro di e prensa aki ala Batman y Robin.
Awor unda e limite ta di amistad y profesionalismo? Asina enberdad tur

informacion confidencial ta leak pa ‘prensa’. Banda di esaki con por ta cu
Korpschef ta acepta pa e ‘donashon’ aki tuma lugar? Mayan e gang di Sero

Patrishi tin arma di sobra, nan tambe lo por duna cuerpo policial un ‘donashon’
paso cuerpo policial mes no tin material suficiente pa traha cune.

Pa caba di nombra e situacion aki ‘Ridiculez di 2017’ mester bisa cu e vest di e
miembro di prensa cu a haci e donashon den nomber di su compania, ta mescos

cu e vestnan cu ela regala na cuerpo policial. Ta e color so ela cambia. Pero
esey nos ta custuma cune caba di e miembro di prensa aki cu cada eleccion ta

cambia di color segun su cumbiniencia. Polisnan ta disgusta cu e tipo di gesto
aki unda recherchenan di Oranjestad a haya esaki, pero lo tin algo acambio den

esaki?? Mas Tip di noticia pa e medio ey of mas radio di polis pa nan???