Page 45 - KPA

8 AWEMainta Diahuebs, 10 Augustus 2017

Ladronnan a purba drenta Pizza Hut,

den oranan di ayera madruga

DIARANZON madruga Polis ta haya informa-
cion cu alarma di Pizza Hut a bay on, indicando
cu lo tin hende den e lugar. Polis na nan yegada a
wordo informa, cu e ladronnan lo a purba drenta
via dak, pero aparentemente net caminda a traha
e entrada, tabatin un sensor, cu a activa e alarma.
Manera e alarma a bay on, nan no a pensa dos biaha
y move. N’e sitio a haya un sker y un pata di cabra,
cu lo ta pertenece n’e ladronnan. Nan no a logra di
drenta, debi cu alarma a spanta nan.
(foto cortesia Aruba Native.com)

Ministro encarga cu Salubridad ta anuncia cu entrante
11 augustus 2017 durante 14 dia lo tin oportunidad pa un y
tur tuma conocemento na Departamento di Legislacion y
Asunto Huridico, Schotlandstraat 53, di un peticion cu a ser
haci pa obtene un bierhuis/restaurantvergunning A pa e
parcela Savaneta 125-K. E permisonan aki ta concerni e.o.
benta di bebida zwak por detal y cuminda pa wordo consumi
den e parcela. Durante dicho periodo aki tur hende por
expresa por escrito nan obhecion contra dunamento di e
permisonan menciona, dirigi na e Ministro encarga cu
Salubridad, via intermediacion di Director di Departamento
di Legislacion y Asunto Huridico, Schotlandstraat 53.