Page 29 - AHATA

no ta nan so. Tur e institutonan cu ta crucial den esaki, manera Veiligheiddienst di Aruba,

tabata totalmente envolvi den e reunionnan semanal, y reunionnan cu tabata tuma luga

cada dos siman cu intervencion tambe di e representacion di Hulanda na Aruba, cu tabata

facilita e videoconferencenan aki.

Kico a sosode awo cu gobernacion actual den e dialogo cu Venezuela, naturalmente ta

keda na e gobierno pa presenta esaki. Hopi biaha bo no kier pa e temanan aki di bo

relacionnan internacional bira un polemica politico local, pasobra cu esey ta dificulta e

proceso tambe pa por yega na acuerdonan. Pesey segun Eman, ta bon pa duna e gobierno

su espacio pa e traha. Pero basta e cosnan keda den contexto di kico ta berdad. No lo

interveni den dje. Como ex prome minister, e sa kico e ta pa hiba e dialogo aki. Nan ta

delicado. Bo tin cu tene cuenta cu necesidadnan local. Bo tin cu tene cuenta cu

relacionnan diplomatico y bo tin cu haci’e na un nivel adecuado pa por mantene e

trankilidad y tin resultado. Pesey lo no kier duna un opinion riba con esun specifico di e
gobierno aki ta bay, pero si coregi cualkier informacion cu no ta cuadra cu esfuersonan cu

gobierno di AVP a bin ta haciendo, dunando logicamente e gobierno y e prome minister y

e otronan, envolvi tur espacio pa por yega na un acuerdo of trece e trankilidad necesario.

Pasobra nos ta un isla turistico. Turistanan cu ta bin di afo, kier sa cu nos ta un pais

trankilo, un pais sigur.

Por a mira cu na Jamaica, situacion di criminalidad a yega te na e nivel caminda cu nan

mes a duna advertencia. E Gobierno nacional mes a duna advertencia na bishitantenan di

exterior, pa no bay Jamaica, pa motibo di e intrankilidad cu tin eynan. Ta algo hopi grave.

Tin biaha ta mira cu paisnan pafo, ta bisa ciudadanonan pa no bay cierto pais. E situacion

na Jamaica ta asina grave cu e propio gobierno a duna advertencia na esnan cu ta bin di

afo, pa tene cuenta cu tin un criminalidad cu a sali for di man.