Page 49 - MIN SOCIAL - JUNI 4,2015

Tri-Partite a inicia entre Gobierno, Sindicato y Gremio

Publication: Thursday, 4 June 2015. Categoria: General
Minister Paul Croes

ORANJESTAD (AAN): Ministro Paul Croes, ta sigui cu atencion e topico principal di e tri-
partite entre Gobierno, Sindicato y dunadornan di trabao ta e cambionan den codigo civil cu na e
momentonan aki ta na parlamento di Aruba.
“Productividad, participacion y proteccion di e trahador ta esencia y punto di salida di
cambionan cu nos ta propone den e codigo civil. Nos kier pa e codigo civil ta mas tanto den
concordancia cu esun den Reino Hulandes. Un reunion unda ta scucha tur partners y finalmente
ta fiha un posicion como gobierno”, minister Croes a mustra.
Cambionan den e codigo civil lo encera flexibilisacion di e leynan laboral cu lo mester conduci
na mas productividad. Presente na e reunion aki tabata SEPPA, FTA, STA, ATIA, AHATA y
Sanicolas Business Associations. Camara di comercio y Banco Central tabata tey como ”
toehoorders”.
A keda acorda cu cada organizacion lo bay back den nan seno pa discuti e cambionan proponi.
Den reunionan y consultanan anterior e cambionan aki a worde filtra y awo nan ta den un nota di
cambio. Minister a gradici tur esnan presente pa nan participacion na e tri partite aki pa
cambionan importante den leynan laboral cu tin efecto directo riba comercio y trahadornan di
Aruba.
Minister tambe a informa esnan presente riba e trayecto di e ley di Arbo cu su persona tin como
prioridad. Tambe a informa e tri-partite riba e ahustacion di e salario minimo cu Gobierno ta
propone.

http://www.diario.aw/2015/06/tri-partite-a-inicia-entre-gobierno-sindicato-y-gremio/