Page 9 - MIN ROBERT C

AWEMainta Diahuebs, 14 September 2017 11

Andin Bikker:

Presidente di Parlamento no kier yama
Presidente di Parlamento no kier yama

reunion referente Minister deteni
reunion referente Minister deteni

PARTIDO POR a yama un conferencia di prensa di ur-
gencia. Andin Bikker a constata cu a prolonga e detencion
di Minister Paul Croes, kende actualmente ta un Minis-
ter di AVP den funcion, cu 60 dia. Tanto Andin Bikker
y Marisol Lopez Tromp desde 29 di augustus a pidi un
reunion urgente na Presidente di Parlamento pa pone
den agenda un reunion referente diferente hecho cu ta
sosodiendo den nos comunidad, pero no ta haya oido di
Presidente di Parlamento.

Ademas, durante un conferencia di prensa Prome Minis-
ter Mike Eman lo a declara cu e posicion di un Minister
cu ta deteni no tin suficiente base legal, cu lo mester bay
cambia e Constitucion, y cu AVP ta anticipando riba un
cambio di Constitucion. Si mester para keto un rato rib’e
declaracionnan aki, e ora e ley di iniciativa cu partido AVP
a bin cu ne pa integridad di Minister un par di luna pasa
no ta conforme Constitucion.

E fraccion di AVP a bin cu e ley aki caminda cu nan kier a
duna un base legal na e situacion cu Minister Paul Croes
ta den dje. Den e caso aki, tanto Andin Bikker y Marisol
Lopez Tromp a bandona e reunion pa asina mustra rib’e
hecho cu Constitucion di Aruba no ta permiti esaki.
Sinembargo na momento cu a vocifera esaki den Parla-
mento, e fraccion di AVP a cherche di Andin Bikker, pero
awo cu detencion a cay e propio Prome Minister mes a
bin acepta cu huridicamente mira no tin base legal pa e
situacion cu Minister Paul Croes ta den dje.
Esaki paso, segun Andin Bikker, e Constitucion di Aruba
no conoce Minister sin cartera.

E cuenta cu fraccion di AVP ta bin cu ne cu e Minister
no ta riba lista y cu e lo a distancia su mes di partido ta
actonan di desesperacion. Loke ta realidad, ta cu e Minister
ta den funcion unda cu ta cobrando un salario, e ta deteni
y hasta su detencion a wordo prolonga cu 60 dia mas.