Page 23 - ARUBA BANK 8 APRIL 2017
P. 23
Trahadonan di RBC Bank a pone trabou abou
Friday, 07 April 2017 18:02
Comparti
Pa dos ora largo empleadonan di RBC Bank awe a tene un accion di protesta, entre otro na e oficina
principal situa den Italiestraat. Motibo di e accion ta pasobra cu gerencia ta implementando un structura
di trabou nobo, yama “single line” unda servicio cu normalmente ta wordo haci den “back office” awor lo
wordo haci dilanti mes pa empleadonan na balie.
Mayoria di e trahadonan no ta contento cu e cambio proponi y a bay na nan sindicato FTA pa informa di
nan disgusto. Despues di 2 ora di “walk out”, e trahadonan a regresa den nan puesto y a sigui ofrece
servicio bancario na clientenan. RBC ultimo añanan a pasa den bastante reto pa cu empleadonan, debi na
fusionnan di trabou of traspaso di servicionan cu tabata maneha aki na nan oficina na Aruba pa otro
oficinanan den otro paisnan, pa cual decenas di trahado a perde trabou.
