Page 16 - awe1807

Dialuna18 di Juli 2022

SPORT

Redu di futbol
Redu di futbol
Bayern definitivamente no kier Ronaldo
Bayern definitivamente no kier Ronaldo

espues cu a bira conoci cu Robert Lewandowski lo firma cu Barcelona,
Dmesora a inicia speculacion tanto na Alemania como otro paisnan
Europero, cu esaki a habri caminda pa e delantero Portugues, Ronaldo
firma cu e ekipo Aleman. Sinembargo e director tecnico di e ekipo, Julian
Nagelsmann a bari e rumornan aiki for di mesa mustrando cu e ekipo no ta
tras di Ronaldo y cu defenitivamente lo no busca su servicio tampoco. E
hecho cu Ronaldo tin 37 aña di edad, ta pone cu poco ekipo lo kier inverti
asina hopi placa den un hungado cu lo sigui bira vulnerabel pa lesion y lo
mira poco accion pa e placa cu e lo demanda.
BARCELONA:
Barcelona a firma Lewandowski pero tin problema pa deshaci di varios
hungado di e ekipo cu ta costando miyones di euro sin cu nan lo bay
hunga un rol den e proximo temporada. Inicialmente directiva di e ekipo
a dicidi cu tanto Frenkie de Jong como Memphis Depay lo no biaha cu e
ekipo pa e sesion di training na Florida pero na final di cuenta tur cos a ser
hinca den e grupo y a haci a biahe. E problema mas grandi ta cu de Jong
kende lo a nenga di bay pa Manchester United ya cu e no kier cambia di
ekipo mientras cu Depay nan ta buscando den forma desespera pa bende e
delantero di seleccion Hulandes. Tottenham Hotspors a mustra interes den
Depay mientras cu for di ayera ta circula rumornan cu Chelsea ta determina
pa busca servicio di De Jong.
DE LIGT:
Oliver Kahn di Bayera Munchen a confirma cu tin combersacion tumando
luga cu Juventus di Turin pa traspaso di e defensa central Hulandes, Matthijs
de Ligt pero cu ainda no a yega na un acuerdo. Pues no por sigura ainda
si de Ligt lo cambia di ekipo pero tin adelanto den e combersacionnan
caminda Kahn a mustra cu e Hulandes ta hopi interesa y entusiasma pa
pasa pa e ekipo di Bayern pero tin un diferencia grandi ainda entre e dos
ekiponan ya cu Juventus no kier pa de Ligt bandona e ekipo.
MANCHESTER UNITED:
Despues cu traspaso di Frenkie de Jongh no a sigui, e ekipo di Manchester
United cu ta wordo dirigi awor pa e Hulandes, Erik ten Hag, ta dicidi di bay
tras di e medio campista di e ekipo di PSV, sta Ibrahim Sangare kende den
ultimo temporada a hala atencion di hopi ekipo rond Europa.
Ta trata aki di un medio campista defensivo pero cu tambe ta bay hopi den
atake y ta masha rapido mes den su accionnan y apenas tin 24 aña y ta un
hungado cu ten Hag tin mester di dje den su plan di wega. Sangare ta un
internacional pa su pais di Ivory Coast y na e momentonan aki ta e miho
hungado di su ekipo PSV na e momentonan aki.
Ekiponan cu a mustra interes den Sangare ta entre otro Chelsea, Liverpool,
Newcastle United y awor Manchester United y ya tin negociacion andando.
REAL MADRID:
“Real ta cla,” tabata unico contesta di e entrenado Carlo Ancelotti di e
ekipo di Real Madrid relaciona cu posibel refuersonan cu su ekipo lo
kier pa e proximo temporada di futbol. “Nos ta contento cu loke nos tin
y con nos ekipo ta na e moentonan aki y lo no contrata ningun hungado
mas,” Ancelotti a mustra. E ekipo entre otro a reforsa su mes cu Aurelien
Tchouameni di AS Monaco cu a costa 80 miyon euro y tambe cu Antonio
Rudiger kende a bin completamente liber for di Chelsea y e ekipo a trata
di contrata Kylian Mbappe for di Paris Saint Germain loke no a bay dor ora
cu e delantero a bolbe forma cu su ekipo Frances.
CHELSEA:
Kalidou Koulibaly un defensa central hopi codicia ultimo añanan, a wordo
cumpra pa e ekipo di Chelsea como reemplaso pa Antonio Rudiger kende a
bay hunga pa Real Madrid. Koulibay di 31 aña, ta costa Chelsea e suma di
40 miyon euro y a firma un contract pa cuater aña

16