Page 20 - All Min 12Jan'15

Tur pais a sali hopi satisfecho na final di e reunionnan di
IPKO cu nivel halto

Saturday, 10 January 2015 11:23
Comparti

Marisol Lopez Tromp presidente di parlamento durante e conferencia di prensa na final di e reunion di
IPKO
a comenta riba e firmamento di e palabracionnan cu tabata tin. Tabata tin topiconan cu a papia habri
riba nan. Esnan cu a dirigi e reunionnan por bisa cu el a bai riba nivelnan halto segun presidente di
parlamento di Aruba. Jeroen Recourt parlamentario na Hulanda a splica cu el a mira atras riba un bon
reunion cu tabata tin. Un bon guia ta loke tabata tin. Tur punto a wordo papia riba dje tanto esun cu ta di
acuerdo cune y otro puntonan cu no ta di acuerdo cune. Jeroen Recourt a splica tambe cu e
responsabilidad ta pa soluciona e cosnan cu tin. E geschillen regeling ta e tema mas importante pe y a
papia riba esaki segun e parlamentario Hulandes. Lloyd Richardson di St Maarten tambe tabata presente
na e conferencia di prensa final riba IPKO. E mes a nace na Aruba y a splica cu ta contento di ta parti y
trece te caminda cu nan por nan contribucion den e reunion. E experiencia ta pa atende y papia riba tur
e temanan di interes y trece solucion pa esaki. Nan tin bon noticia pa hiba St Maarten y esaki ta danki na
e delegacionnan presente pa traha riba e solucion di e problemanan aki. Lloyd Richardson a splica cu
nan tambe kier ta parti di e conferencia di salud cu lo bai tin y trece solucion pa e situacionnan cu tin pa
por traha hunto. E parti di integridad tabata e punto mas dificil pa nan por a yega na un consensus riba
dje. Lloyd Richardson a splica cu descriminacion ta algo cu mester traha tambe riba dje y traha hunto
riba e coperacion. A gradici e demas coleganan presente pa e coperacion duna durante e conferencia di
IPKO. Mike Franco ta presidente di parlamento di Curacao. El asplica cu IPKO ta un conferencia
importante pa reino. Tabata tin diferente tema di interes y importante cu tabata tin den IPKO. Tabata tin
diferente bishita planea y mester a cancela e bishita aki pa sigui atende riba e punto di geschillen
regeling. Mike Franco ta gradici esnan di Aruba cu a organiza e IPKO y con el a wordo guia tambe.

http://www.24ora.com/politica-mainmenu-18/90465-tur-pais-a-sali-hopi-satisfecho-na-final-di-e-
reunionnan-di-ipko-cu-nivel-halto
http://masnoticia.com/lider-di-delegacion-hulandes-orguyoso-cu-resultado-di-ipko/
http://masnoticia.com/apesar-cu-avp-sacami-di-comision-di-integridad-mi-lo-sigui-lucha-pa-un-dia-
aruba-tin-leynan-di-integridad/