Page 16 - AAA

Siman ta habri y tin di compronde cu tin cosnan den e zona di Caribe, cu por tin efecto pa

nos isla tambe.

Marck Oduber, director di Meteo, a splica cu awe dialuna, e ciclon tropical Maria, cu ta

oost di Caribe, pero ta proyecta cu diamars, 2’or di atardi, e ta mas of menos 72 miya

zuid di Saba, cu lo drenta paulatinamente den Caribe. Pero e ta hala bay nort. E ta bay

afecta Puerto Rico. Mientras tanto cu e ta haci esey, e ta pone indirectamente cu nos fluho

di aire ta cay y ta pone cu nos ta haya algun dia calor. Pa mas parti diabierna of diasabra

ta calcula cu e fluho di aire lo haya tiki mas forsa, direccion zuid-oost. Tambe lo yuda

activa e zona di convergencia intertropical. E chens den e dianan aki pa yobe ta keda

chikito. Mas parti diabierna pa diasabra ta mira cu e chens di yobida lo bay aumenta. Te

ainda, awe dialuna proyeccion ta cu chens di yobida di diabierna y diasabra, ta

relativamente bon.

Aruba ta safe?

Peliger directamente Aruba ta leu. Isla Riba tin cu sigui e sistema aki di cerca. Vooral

Dominica, Martinique, Guadalupe y hasta Saba, St. Eustatius y hasta St. Maarten ta cay

cerca di e biento cu awaseronan cu ta hopi fastioso. Mirando e pronostico di Servicio

Meteorologico di Hulanda pa Saba y St. Eustatius, nan tabata anticipa toch un storm
surge basta halto y olanan di lama cu por yega te hasta 20 pia rato rato. Pa e islanan aki ta

basta peligroso. Un horcan fuerte lo bay drenta Caribe y e ta bay haya mas forsa di bira

casi un categoria 4 diamars, segun proyeccion di Hurricane Center ora e ta 72 miya zuid

di e isla di Saba.

Indirectamente e sistema aki, manera ya menciona, ta bay kita nos biento, caminda cu nos

lo sinti mas calor y lo bay yuda aumenta humedad den nos region. Ta principalmente

parti diabierna cu diasabra ta haya chens pa yobida leu leu, compaña pa lamper y strena.