Page 44 - WEB

Gobierno a bin ta bin ta atende e problematica cu a surgi, unda cu tin e parti di huma di

WEB, na momento cu biento bira, e ta converti den un molester na e waf di Barcadera.

Durante un conferencia di prensa, minister di asuntonan economico, finansas y

cultura, Xiomara Ruiz-Maduro, tumando e encargo di prome minister Evelyn Wever-

Croes, hunto cu director di WEB, Luis Oduber, y Operations manager, Francis Ras, a

splica cu e waf su operacion a wordo para totalmente.

Esaki mas cu claro ta trece un presion cun’e pa loke ta bira comercio, pero tambe Aruba

en general, pa motibo cu ta 80% di tur loke tin eynan ta wordo importa. Esaki sigur tin

atencion di gobierno pasobra e parti hopi importante ta, ta salud di hende. Claramente

salud di e trahadonan eynan pa cual ta e motibo tambe cu nan a indica cu nan ta bin

dilanti, ta pone paro na trabao. Esnan cu ta bin tambe eynan, e chauffeurnan di truck ta e

promenan cu a bin cu e accion y tambe Douane a dicidi pa pone trabao abao, di cual e ora

eynan e main gate na Barcadera a keda cera y cun’e e ora eynan, mas cu claro e atencion
tabata directo. A bay eynan tambe como mandatario, pa tuma bista di e situacion kico ta

pasando, pa asina e ora ey wak kico ta e solucionnan practico cu por yega den e realidad

cu tin. E realidad cu tin ta na e momentonan aki. Tin un compania di locual ta produccion

di awa y electricidad pa pais Aruba, un compania vital manera WEB y banda di esaki un

otro compania vital, cual ta waf di Barcadera. Tur dos compania aki ta di suma

importancia pa pais Aruba. Esaki ta rekeri tambe e presencia y e atencion na e nivel di

mas halto den Gobierno, pa cual tambe gobierno ta brindando e atencion aki. A asinta

caba e siman aki hunto cu ehecutivonan di WEB. A sinta tambe hunto cu ATIA, cu a bin

cu nan preocupacion y tambe a sinta cu esnan di ASTEC y APA, kendenan tin e parti di

waf bao di nan responsabilidad.