Page 67 - WEB

Ruiz: Problema di huma di WEB no ta

nifica aumento prijs awa y coriente

Posted on 07/18/2018 5:00 pm AST | Updated on 07/18/2018 5:00 pm AST

ORANJESTAD – E hecho cu WEB tin cu bay realoca fondo pa por remedia e problema
di huma (cu ta afecta waf di Barcadera), no ta nifica cu esaki lo resulta den aumento di
prijs di awa y coriente. Asina minister di Finanza Xiomara Ruiz Maduro a contesta
NoticiaCla diaranson mainta durante un conferencia di prensa. E intencion ta pa e
partidonan envolvi (WEB, ASTEC y ATIA) wak con ta yega na un solucion mutuo pa
despues gobierno dicidi con pa reparti esaki di un forma mas husto. Posiblidad ta cu e
gastonan por wordo asumi entre e tresnan menciona. Pero no ta asina cu ta bay ‘verreken’
e gastonan aki pa pueblo. Pues e informacion cu e gastonan aki extra pa WEB (of e grupo
cu tin cu bay paga pe) ta bay nifica un aumento di tarifa di utilidad. A haci mencion di 7
cent di aumento, pero e mandatario a desbarata e idea ey. “Esey no ta berdad” Ruiz a
sigura e portal.

https://www.noticiacla.com