Page 63 - MIN JUS 23 JULY 2015

e derecho y su obligacionnan. Awor e sistema a cambia na Hulanda caminda cu tur cos den ley ta
hinca den e reglanan di e institucion cu na momento cu un persona drenta prizon, e sa kico e por
spera y ta wordo spera di dje durante su encarcelacion”. Ta depende na e persona si e ta
comporta su mes conforme reglanan y si e ta progresa den e proceso di rehabilitacion. Esaki ta
pone cu locual tabata causa tension antes den e prizon, awor no tey mas, e mandatario a splica.
E prizonero ta haya di compronde for di momento di su entrada den e institucion, cu e tin cu
comporta su mes di e forma stipula pa e prizon, y na momento di no-cumplimento di esaki, lo tin
sancion contra su persona. E sancionnan ta wordo tuma hopi lihe y consecuentemente na
momento cu un prizonero no tene su mes na regla e lo sinti e efecto aki. Di otro banda, e
prizonero na Hulanda ta obliga pa traha y si e no cumpli, pa esaki tambe tin su sancionnan.
Hopi di e tensionnan cu tabatin den pasado, segun e mandatario a wordo informa, a baha door di
hustamente e reglanan cu a wordo stipula y cu tabata bon cla pa e prizoneronan for di prome
instante caba. Pa e mandatario esaki tabata algo hopi interesante pa mira con e adaptacionnan a
wordo haci y cual tabata e resultado cu el a duna.