Page 17 - BNDIA ARUBA

A17
HENDE Diabierna 6 aPriL 2018

Experience San Nicolas easter edition cu ambiente den ciudad

SAN NICOLAS - Reci-
entemente a tuma luga e
evento di Experience San
Nicolas. E programacion
aki dedica na e celebra-
cion di Pasco grandi ta-
bata un exito. Esaki ta se-
gun e comunicado cu nos
a ricibi.

Na Cosecha San Nicolas
participantenan di e tayer di
pinta un Egg Holder a traha
piesanan bunita y segun pro-
pio creacion pa dorna nan
mesa di come e Pasco Gran-
di aki. Danki na Romelinda
Maldonado pa guia e tayer
creativo y pa e demostracion
di con por traha e Egg Hold-
er aki cu material recicla.

Na Museum of Industry ta-
bata tin pintamento, busca-
mento di webo y contamento
di storia pa mucha. Mayor-
nan y tur otro bishitante por
a haci un tour den e museo.
Danki na e autornan Tanchi
Thania y Richard Dabian pa
deleita tur mucha cu e sto-
ria di ‘Tico e puyito’ y ‘Ban
Buske’ cuentanan inspirativo
cu mensahe bunita.
Roy na Community Mu-
seum (banda di CMB San
Nicolas) a ricibi bishita di
grandi y chikito pa un tour
bek den tempo. Tur bishi-
tante a siña mas over di nos
herencia cultural.

Durante e edicion di Ex-
perience San Nicolas aki, e
evento a introduci un activi-
dad di Scavenger Hunt pa
por bin descubri e ciudad di
San Nicolas. Hende di dife-
rente bario di Aruba a bin
San Nicolas y yen entusias-
mo a participa na e actividad.
Famia y amigonan a pasa du-
shi cu otro y siñando hopi
over di San Nicolas. Danki
na Reach your Goal cu a or-
ganisa un bon actividad pa
e evento di Experience San
Nicolas.

Tur ora cu por, e evento
mensual Experience San
Nicolas ta incorpora talen-
tonan local den comunidad
di San Nicolas den e pro-
gramacion. E biaha aki e
evento a sostene artistanan
jong di San Nicolas cu bou
di guia di artista Reginald de
Palm a traha un bunita mu-
ral riba edificio di Wema. E
mural aki ta un piesa mas cu
ta embeyece San Nicolas ca-
minda comunidad y turista
por bin admira y saca potret
di dje.