Page 43 - Min.vos feb13

Minister dr. Alex Schwengle lo sondea posibilidad pa hiba
grandinan mira Carnaval otro aña

Thursday, 12 February 2015 16:30
Comparti

Minister dr. Alex Schwengle, encarga cu e carteranan di Salud Publico, Deporte y Maneho di Nos
Grandinan, tabata di bishita diaranson mainta na Sint Michael’s Paviljoen, unda cu studiantenan di
Universidad di Aruba a organisa un fiesta di Carnaval. Durante di e fiesta, cu musica y bailamento, a
tuma luga un eleccion di reina pa e grandinan cu ta biba na Paviljoen.
Despues di su bishita Minister Schwengle a comenta cu el a compromete su mes cu SABA y e grandinan
pa forma un comision pa sondea con pa realisa un situacion sigur y dibertido unda cu e habitantenan di e
casnan di SABA cu kier y por lo tin e oportunidad pa bay mira e gran parada di Carnaval. Esaki ta un
proyecto cu por wordo realisa, e mandatario a bisa. El a agrega cu e no ta principalmente un situacion di
placa, pero mas bien un situacion di “organisacion” – semper cu siguridad na prome luga - y lo ta
trahando pa realisa e proyecto aki pa Carnaval 2016.
E Minister a comenta cu, aunke e fondonan ta “on hold” actualmente, Sint Michael Paviljoen y e complex
“San Pedro” ta riba e lista pa haya un bon renobacion. El a bisa cu e lo keda pusha pa esaki tambe,
pasobra e ta un proyecto esencial.
Minister Schwengle tabatin palabranan di elogio tambe pa e studiantenan di Universidad di Aruba
kendenan a organisa e celebracion di Carnaval pa e grandinan, esunnan di EPI y trahadonan di SABA,
kende a traha hunto pa presenta un bunita evento. E entusiasmo di e grandinan tabata contagioso y tur
hende a gosa di e actividad.
E fiesta di Carnaval y eleccion di reina a wordo organisa pa shete studiante di e di dos aña di e facultad
“financieel economisch” di Universidad di Aruba, hunto cu un studiante di EPI. Zoraida Ridderstaat,
studiante di Universidad, a splica cu nan ta contento di a scoge Paviljoen pa nan proyecto social, cual ta
encera 28 ora di trabao.
E studiantenan a dedica hopi tempo, cu hopi amor, pa busca e sponsornan necesario, traha e diferente
headpiecenan, “sash” (sherp) y number y pone tur cos hunto pa un tremendo fiesta. E tema cu nan a
scoge pa e dia aki tabata “curason” como cu Valentine’s Day ta e dia special di e temporada aki.
E studiantenan, kende a disfruta di e proceso pa siña traha hunto, a menciona sponsornan manera
DOWCO, Silk & Cotton, Balashi y Ennia, pero nan a bisa cu tin diferente otro, y nan ta hopi gradici,
pasobra ta cu nan yudansa e fiesta por a bira un realidad.