Page 12 - WEB_Neat
P. 12
De Cuba a subraya cu no ta esey so, sino cu nan tin molester di hopi stof y gas, cu ta
dañino pa nan salud, y nan mester bin cu hopi cos nobo den nan CAO, manera pago ora
nan tin warda, entre hopi otro cos cu mester wordo drecha den e Contrato Colectivo. Y
tin espacio pa mehoracion.
“Den e waf bo por inverti den bo trahadornan tambe. E trahadornan ta pone e waf draai
tog? Pues, mi no ta wak ningun motibo y si nan ta pone motibo pa nos bay den accion,
nos ta bay den accion tambe. Y e biaha aki cu nos bay den accion, no kere cu ningun
hende ta bin kibre, pasobra ta bay bin confrontacion. Y esaki ta un advertencia cu nos
ta haci di aworaki caba, pasobra esaki no ta bay ta wega. Nos a ripara cu e hendenan
aki a pasa den un cataclismo, e ultimo temponan aki, y esaki mi ta kere e clase
trahador no merece aki na Aruba. For di aworaki nos ta bay sali pa nos derecho y esnan
cu kier bin stroba e accion, si ta bay tin anto, nan prepara pasobra ta bay tin
confrontacion!” Diego de Cuba a subraya.
