Page 23 - DIARIO28NOV2015

DIASABRA 28 NOVEMBER 2015 DIARIO PAGINA 23

Aruba Airlines a tene un anochi di 15% di descuento

como danki na comunidad di Aruba

ORANJESTAD (AAN);
Aruba Airlines a dedica luna
di November como e luna pa
yama danki na comunidad di
Aruba cu a aporta asina bon
cu Aruba Airlines.
Den un entrevista, Jessica
Dirksz di Aruba Airlines a
conta DIARIO cu pesey a
pone e luna di November
como e luna di descuento.
Pesey recientemente Aruba
Airlines a pone un Shopping
Night unda cu pa tur
destinacion cu Aruba Airlines
ta bula tabata duna 15% di
descuento.
Varios hende a presenta
pa probecha di pasashinan
faborable pa Miami, Santo
Domingo, Corsow y mas.
E hendenan cu a dicidi di
cumpra pasashi mester a djis
menciona e fecha riba cual
nan kier a bula y nan tabata
haya sa kico e prijs lo bira cu
e 15% di descuento.
Despues di e dia special di
15% di descuento, e otro
descuentonan cu Aruba
Airlines sa ofrece tambe a
sigui, como tambe ofertanan
unda cu bo por bay cu un extra
maleta sin paga pa esaki.