Page 8 - AAA

ORANJESTAD (AAN): Manera cu director di Imsan, dr. Joel Rajnherc y tambe director di
Departamento di Salud Publico a splica diabierna, por lo menos un 64 pashent a yega ayera
nochi for di Sint Maarten, di cual mayoria di nan ta pashentnan cu un ke otro malesa
cronico, entre nan pashentnan cu tin cu haci uzo di dialyse.

DIARIO a publica di e yegada aki diasabra y awe tin fotonan di mas di cerca di e avion y e
traslado.

Minister di Salubridad, dr. Alex Schwengle tabata na aeropuerto na momento cu e
pashentnan aki a yega. Na e sitio, varios departamento, entre otro DVG y tambe personal
specialisa den cuido, tabata tey presente pa asina haci manera un tipo di triage, pa asina
manda esnan cu mas tabata tin mester di asistencia di biaha pa hospital.

E otronan a wordo reparti entre Imsan y Hospital mes pa asina haya nan tratamento di
dialyse. Den e proximo dianan, nan lo haya asistencia, te ora cu pais Sint Maarten por bin
bek riba pia y nan por bay bek nan pais pa asina nan por sigui cu nan tratamento cu nan tin
custumber cun’e.