Page 28 - AWEMAINTA

28 AWEMainta Diahuebs, 22 Juni 2017

Autornan di Aruba, Boneiro y Corsou apenas ta conoci den Caribe

DURANTE e conferencia di Caribbean Studies Association riba dia
17 juni 2017 na Bahamas, Profesor Emilio Jorge Rodríguez a haci
un presentacion titula “Dutch Antilles Novelists and the Caribbean
Literary Canon”.
Den e presentacion aki el a trata e ignorancia continuo cu ta existi
bou di e islanan Caribense di habla Ingles, Frances y Spaño pa cu e
literatura di Aruba, Boneiro y Corsou.

Sr. Rodriquez a trece padilanti cu e reto persistente ta algo cu locual
historiadornan di literatura y recensista, manera Wim Rutgers, Fabian
Badejo, y Hans Vaders anteriormente a yega di trece padilanti caba.
Lasana M. Sekou, director di proyectonan na House of Nehesi Publish-
ers (HNP) ta agrega cu esaki ta splica di con autornan manera Cola
Debrot y Pierre A. Lauffer no ta conoci na St. Maarten, den Caribe
y pafor di e region.

Rodríguez, kende su bukinan a keda traduci y publica pa HNP, a
stimula un discusion nobo cu su presentacion na e conferencia.
“Tin un acumulacion di idiomanan manera Hulandes,Ingles, Papia-
mento y Spaño den e produccion literario di Aruba, Boneiro y Corsou.
Aunke riba su mes e echo cu apenas ta desimina, traduci y publica
nos literatura, esaki ta rekeri un reflexion over di e temanan, estilo,
coriente pa establece un contacto cu resto di e region,” Rodríguez a
bisa como un di e tres panelistanan di e conferencia entitula “The
Caribbean and the World.”

Segun Rodríguez, kende durante 30 aña a haci estudionan di e litera-
tura di e colonianan Hulandes, a bisa cu su presentacion ta parti di un
intento pa crea un consciencia den e mundo academico di e situacion
Balkanisa, y pa duna mas atencion e. o. na autornan manera Cola
Debrot, Tip Marugg, Boeli van Leeuwen, Gilberto E. Rosario, Pierre
A. Lauffer, Frank Martinus Arion, Diana Lebacs y Quito Nicolaas.”