Page 16 - MIN SOC MRT 13,2015

Minister Paul Croes cu Feria Social: Mas di
300.000 florin extra pa nos Fundacionan Social

· Mar 12th, 2015
· Local

Banda di enfoka riba hubentud, e prome Feria Social a logra mas di 300.000 florin pa e fundacionan cu ta
participa den e Feria Social.
“Esaki ta un win win pa hobennan, comunidad y fundacionnan. Nos kier planta un simia den curazon di
nos hobennan. Cu e proyecto Feria Social, 100 hoben lo dedica nan mes pa cera conoci cu e
fundacionnan na Aruba. Nos kier planta e simia social den nan curazon. Nos kier haci nan consciente cu
a retonan social di nos pais ta grandi. Nos kier stimula nan pa haci trabou boluntario den futuro”, asina
Minister Paul Croes a enfatiza di e Proyecto Feria Social.
Feria Social ta un prome programa Nacional di Hubentud participando na 20 fundacion na Aruba. Un
total di mas di Awg. 300.000 florin a keda realiza cu apoyo di organizacionnan comercial y comunidadnan
na Aruba. “Un bunita ehempel ta esun di e comunidad Dominicano, cu lo participa apoyando e fundacion
Sonrisa/Trampolin pa Trabou financieramente pero alabes a pidi pa hobennan Dominicano residencia na
Aruba tambe participa. Esaki sigur ta un bon ehempel di integracion positivo”, Minister Paul Croes a
mustra. Minister Paul Croes ta kere cu Feria Social lo tin varios efecto positivo cune.
Banda di e enfoke principal cu ta hobennan, fundacionnan tambe lo haya un aporte financiero adicional.
Pero e envolvimento comunitario tambe ta keda importante. Minister Croes su enfoke ta pa apoya e
fundacionnan cu ta participa na e prome Feria Social pero tambe otro fundacionan social.

http://masnoticia.com/minister-paul-croes-cu-feria-social-mas-di-300-000-florin-extra-pa-nos-
fundacionan-social/