Page 14 - DIGICEL DEC 9,2014

Pagina 18 Diamars 09 December 2014

Solo Local....

Un evento fabuloso den Carnival Village

San Nicolas a goza di un tremendo “Bario Event” di Digicel

Digicel a organiza
un tremendo “Bario
Event” diadomingo
pasa na Carnival
Village, San Nicolas,
cu a resulta un exito
rotundo. Muchanan
a goza masha den
e Dino Jump tanten
cu nan mayornan
a probecha di e
mihor ofertanan pa e
temporada aki.

E evento cu a tuma
lugar di 11’or di mainta
pa 3’or di atardi tabata
hopi gezellig, cu Gaita
Autentico y Minitica
Mige. No tabata
falta e asina popular
Digicel Vault, unda cu
tur cliente cu a haci
un compra tabatin e
chens pa bay den e
vault y haya premio
extra.

E Bario Event di
Digicel ta hopi bon
bishita, como cu aki ta
unda cu e compania
di telecomunicacion
ta lansa ofertanan
manera Smartphone
gratis y celularnan
na prijsnan sin
igual. Pa e ocacion
aki por ehempel
Digicel a ofrece
prijsnan special riba
e celularnan prepaid
“Alcatel C1” y “DL
700”, cual nan a
regala na clientenan
cu a cumpra 1 luna
di data Bronze pa
Afl. 49,99. Pa loke
ta e modelo “Alcatel
Idol”, Digicel a baha e
prijs te na Afl. 349 y a
inclui un luna di data
gratis cu e celular.

Gerencia y personal
di Digicel a pasa un
rato agradabel cu
pueblo en general,
ofreciendo e miho
regalonan pa e
temporada di fin
di aña. Danki San
Nicolas! Danki Aruba!