Page 94 - KPA MAY 27,2015

Polis a realiza 14 detencion durante un entrada hudicial
rond di e isla

Publication: Wednesday, 27 May 2015. Categoria: Policial

ORANJESTAD (AAN): E dianan aki nos por presencia cu tin un team special di Polis masha
activo mes y ta realizando varios detencion rond di nos isla relaciona cu un caso grandi na unda
cu tin varios persona meti den baho mundo. E Team special a presenta na varios sitio entre otro
na cas di un comerciante R.Nahar den Schumanstraat, na un compleho di apartamento na
Paraguana, y na Sta.Cruz.
Tambe e mesun team aki a realiza detencion di 2 persona cu tabata den un van riba e caminda di
Adrian Lacle BLVD. Alaves nos mester menciona cu 1 persona tambe a keda deteni na airport.
Relaciona cu e caso aki, a logra hanja sumanan cuantioso di placa y droga.
Diario por a compronde cu e team special di Polis tabata investigando e caso aki di algun tempo
caba, y awo a dicidi pa actua. Un biaha mas Polis ta demostra cu Aruba no ta One Free for all
island, y si bo comete un crimen of algo contra ley, cu nan lo actua.
Un sla basta duro ta locual cu baho mundo a ricibi. Den nos proximo edicion nan, Diario lo trece
un update di cua caso e personanan aki ta meti. Bon trabao di parti nos Cuerpo Policial.
http://www.diario.aw/2015/05/polis-a-realiza-14-detencion-durante-un-entrada-hudicial-rond-di-e-isla/