Page 19 - MIN SJA 10 MAART 2016

Minister Paul Croes tin trahadonan di Aura Casino como
prioridad

on: March 09, 2016In: LocalNo Comments
Print Email

E situacion pa cu empleadonan di Aura Casino ta conta cu tur atencion di Gobierno. Diaranson mainta,
un biaha mas Ministernan di Labor Paul Croes y Minister di Husticia Arthur Dowers a atende personal y
directamente cu e grupo di trahadonan afecta. E grupo a sali satisfecho di e reunion y, mescos cu e
Ministernan, ta spera un conclusion positivo di e situacion lo mas pronto posibel.
For di momento cu e casino a cera su porta den ultimo lunanan di aña pasa, Gobierno ta mantene un
contacto estrecho cu, no solamente e empleadonan, pero tambe sigur cu e operador di e hotel y e grupo
nobo interesa den maneha e casino. Di e manera aki ta pusha pa acelera e proceso di negociacion y
reapertura di e casino y tur esnan afecta por bay bek un stabilidad laboral. Inclui den esaki tambe ta e
representante di sindicato y oficina di Mediador di Gobierno.
Den e encuentro sosteni diaranson mainta, Minister Croes y Dowers a combersa den un ambiente
ameno cu e trahadonan y a contesta cada un di nan preocupacionnan. Nan tur a sali satisfecho di e
reunion y cu e siguridad cu e mandatarionan tin nan bienestar na pecho.
Mientras tanto, ta haciendo tur esfuerso posibel pa den transcurso di diahuebs yega na e acuerdo mas
satisfactorio pa tur partido. Gerencia nobo ta trata na mantene entre 30 pa 35 trahador y lo ofrece na e
otro 10 un pakete social conforme nos leynan.

http://masnoticia.com/minister-paul-croes-tin-trahadonan-di-aura-casino-como-prioridad/