Page 7 - MIN SJA 10 MAART 2016

Croes Operador nobo lo no emplea tur ex-

trahado Aura Casino

Posted on 03/9/2016 7:58 pm AST | Updated on 03/9/2016 9:21 pm AST

ORANJESTAD - E operador nobo di loke tabata Aura Casino ‘lo purba mantene entre 30

pa 35 trahado, y ofrece pakete social conforme nos leynan, na e otro 10 trahadonan cu ta
keda’. Esey ta confirma pa minister di labor Paul Croes diaranson anochi. Ademas a

mustra cu e operador lo no tuma tur 44 trahado y cu e casino su operacion lo bira mucho

mas chikito. Un reunion entre e ex trahadonan di Aura casino y ministernan Croes (labor)

y Arthur Dowers (husticia) awe a percura pa e informacion ey wordo suministra. For di

sindicato FTA, NoticiaCla.com a compronde cu e operador nobonan ta hindu, aunke cu

nos no por a confirma esey independientemente ainda.
TRAHADONAN ‘SATISFECHO’
Den un comunicado di gobierno, e trahadonan lo a sali ‘satisfactorio’ for di e reunion ey y ‘cu e
siguridad cu e mandatarionan tin nan bienestar na pecho’.

INFORMACION CONTRADICTORIO

Mientras cu e trahadonan a bisa NoticiaCla.com den varios instancia cu nan tabata den un
scuridad di informacion, gobierno a sigura awe cu ‘ for di momento cu e casino a cera su porta

den ultimo lunanan di aña pasa, Gobierno ta mantene un contacto estrecho cu, no solamente e

empleadonan, pero tambe sigur cu e operador di e hotel y e grupo nobo interesa den maneha e
casino’. Pues aki nan ta duna otro informacion cu e loke e trahadonan y e sindicato tabata

informa. Tabata netamente e falta di informacion aki, cu a pone e trahadonan varios biaha bay

protesta sea ta cerca gobierno mes of na e hotel, den un intento pa haya informacion.