Page 44 - Updated Newspaper Clippings Minister Michelle Hooyboer Winklaar

Minister Michelle Hooyboer-Winklaar: Varios paso tuma
caba pa sigura cuido di nos maestronan

 Apr 23rd, 2015
 Local

“Mi no ta bay habri espacio pa hendenan cu en berdad no tin niun clase di intencion di yuda pa
yega na un solucion pa e problema cu nos a bin ta confronta den e ultimo simannan tras di lomba
pa cual ta trata siguridad y bienestar di cada un persona cu ta den e ramo di Enseñansa na Aruba,
desvia mi di e focus cual ta pa yega na un solucion. Pueblo no merece politiconan cu
simplemente ta uza dolor di otro pa haci politica barata cu ne”, asina Minister Michelle
Hooyboer–Winklaar a remarca.
Como parti di su maneho, Minister Michelle Hooyboer–Winklaar ta sobresali cu solucionnan
structural mas lihe posibel, pa loke ta e siguridad di maestronan. Dentro di 1 luna e maestronan
lo conta cu un persona den su Ministerio cu lo ta encarga unicamente cu “Teachers Care”, esta e
cuido di nos maestronan.
Desde comienso di su encargo como e mandatario encarga cu Enseñansa a señala varios buraco
den e maneho pa cu enseñansa. Esaki tabata un di nan. Mirando tur e ultimo acontecimento e
Mandatario a dicidi di haci e tramitenan mas lihe pa por ricibi aprobacion pa por agrega un
persona mas pa lidera e encargo aki.
Den transcurso di algun siman lo anuncia e persona cu lo ta encarga cu e area aki. Banda di esey
ya caba a reuni cu diferente instancianan cu lo forma un comision cu lo traha riba un protocol di
conducta cu lo wordo introduci pa aña escolar nobo.