Page 30 - AWM 2SEPT2017

30 AWEMainta Diasabra, 2 September 2017

Exitoso actividad di Amy Richards

Duna Sin Miedo!

DIASABRA siman pasa a tuma lugar na
Cede di Ady na Savaneta, e actividad di candi-
dato hoben riba lista di MEP, Amy Richards.
E meta social tras di e actividad aki tabata pa motiva
e comunidad pa contribui cu comestibles, paña y pro-
ductonan di higiena pa por traha pakete pa duna fami-
anan den necesidad. Amy a expresa cu “Dor di crea un
movecion asina, nos por mira e union cu ta biba den nos
comunidad y e solidarismo cu ta haci nos pais fuerte!”.

Hopi persona a reacciona rib’e yamada pa forma parti
di e movecion positivo aki.
Como muestra di su aprecio, Amy a regala cada
persona cu a haci nan donacion, un mata p’asina
por representa un desaroyo positivo creciente.
Durante e actividad “Duna Sin Miedo” tabatin en-
tretenimento pa e muchanan y tambe nan a gosa den
e Dino jump. Tabatin sopi gay y sopi seafood pa tur
presente, al estilo di un berdadero fiesta Arubano.

Den nomber di Amy Richards y henter
su team, un danki na cada persona cu
a contribui y forma parti di e movecion aki.
E trabounan pa reparti e paketenan pa famianan den
necesidad a cuminsa caba den bario di Sabana Basora
y San Nicolas y lo continua den otro barionan rond
di nos isla.