Page 66 - MIN.VOS ALEX MAY 8

Diabierna Mei 8 2015 Pagina 15

Durante e Beauty and Health Expo 2015:

Un cantidad grandi di persona a inscribi pa bira donante

Stichting Bloedbank

Aruba (SBA) tabata tin e

oportunidad di participa na

e Beauty and Health Expo

2015. SBA sigur ta contento

di por a participa ya cu danki

na e oportunidad aki 173

persona a inscribi pa bira

donante. Durante e aña

2014 SBA a cuminsa cu The

Traveling Blood Bag Stand”,

unda cu e stand aki a pasa

door di varios organizacion

na Aruba y asina recluta

donante pa a yega na e

meta di donante nobo pa

2014. E aña aki SBA ta pone

un meta nobo y nan ta sigur

cu e comunidad di Aruba

lo contribui un biaha mas.

Durante e Beauty and Health

Expo 2015, e “Traveling

Blood Bag Stand” tabata

presente y manera informa

anteriormente e resultado

tabata exitoso. Hopi

persona a inscribi y ya caba

SBA ta tumando contacto

cu e posibel donantenan.

SBA kier haci uso di e

oportunidad aki pa gradici tur

e personanan cu a inscribi

durante e Beauty and Health

Expo 2015. SBA ta pidi di

antemano comprension na

tur persona cu a inscribi pa

e tardanza cu lo bay tin pa

motibo di e cantidad grandi

di inscripcion. Naturalmente

SBA ta hopi gradici, y tur

hende lo wordo yama.

Alavez SBA kier gradici e

voluntarionan cu tabata

presente y cu a aporta na

e actividad exitoso aki. Por

Ultimo SBA ta gradici señor

Martijn Balkenstijn, señora

Diza Arends-Diaz, señor

Oswald Tromp, señorita

Emmely Brete, señor

Roberto (Boedoem) Brown

y señor Roberto Richardson

pa ta e imagen di SBA

durante e Beauty and Health

Expo 2015 y demostra e

hecho cu tur hende por bira

un donante. Cada Gota, Ta

Conta.

Pa mas informacion tocante

Stichting Bloedbank Aruba

of pa bira donante por

bishita nan website: www.

bloedbankaruba.aw ,

facebook pagina of yama

5870002.