Page 18 - AWEMAINTA

18 AWEMainta
Sin Zlatan, esaki ta e 23 Sueconan cu ta bay pa Mundial
E SELECCIONADO Sueco, Jan “Janne” Andersson, a haci
anuncio di e lista di e 23 hungadonan selecciona pa Mundial di
Rusia den cual ta aparece e delantero Alavés John Guidetti y den
cual no tin sorpresanan grandi.
Den e convocatorio tin tur e hungadonan cu a forma e grupo cu
a hinca Suecia bek den un Mundial diesdos aña despues di su
Diabierna, 18 Mei 2018
ultimo participacion, un grupo cu ta destaca pa su forsa colectivo
y su organisacion, pero cu no ta conta cu nombernan grandi.
E hungado di Leipzig Aleman, Emil Forsberg, cu su lesionnan a
strobe di ripiti su briyante temporada anterior den Bundesliga –
ta e mas cerca di un strea den unlista forma pa tres keeper, ocho
defensa, ocho centrocampista y cuatro delantero.
Andersson a dicidi di no inclui e potente interior Ken Sema,
kende a briya e temporada aki den Liga Europa cu Östersund, pa
yama na su luga Marcus Rohdén, un decision cu el a hustifica pa
e versatilidad di e centrocampista di Crotone.
Ta den e lista e keeper titular, Robin Olsen, recupera di e lesion
na su schouder produci na maart y cu a oblig’e drenta sala di
operacion, aunke ainda e no reaparece cu su club e Copenhagen
Danes.
Falta ainda e heroe di e repesca contra Italia, e mediocentral Jakob
Johansson – autor di e unico fol di e eliminatorio – kende ainda ta
recuperando di un scheur di un musculo na su rudia.
Federacion Sueco luna pasa a corta cualkier posibilidad di
un regreso di Zlatan Ibrahimovic, retira di e seleccion desde
2016, afirmando cu e mesun hungado no tin pensa di cambia
di idea, aunke e mesun a duna cuminda na e speculacionnan cu
mensahenan ambiguo den e rednan social.
E lista ta consisti di e siguiente hungadonan: Keeper: Robin Olsen
(Copenhague, Dinamarca); Karl-Johan Johnsson (Guingamp,
Francia); Kristoffer Nordfeldt (Swansea, Inglaterra).
Defensa: Mikael Lustig (Celtic, Escocia); Victor Nilsson Lindelöf
(Manchester United, Inglaterra); Andreas Granqvist (Krasnodar,
Rusia); Martin Olsson (Swansea, Inglaterra); Ludwig Augustinsson
(Werder Bremen, Alemania); Filip Helander (Bologna, Italia);
Emil Krafth (Bologna, Italia); Pontus Jansson (Leeds, Inglaterra).
Volantenan: Victor Claesson (Krasnodar, Rusia); Jimmy Durmaz
(Toulouse, Francia); Emil Forsberg; Leipzig, Alemania); Sebastian
Larsson (Hull, Inglaterra); Gustav Svensson (Seattle, USA); Albin
Ekdal(Hamburgo, Alemania); Oscar Hiljemark (Génova, Italia);
Marcus Rohdén (Crotone, Italia)
Delantero: Marcus Berg (Al Ain, Emiratos Árabes); John Guidetti
(Alavés, Spaña); Isaac Kiese Thelin (Waasland-Beveren, Bélgica);
Ola Toivonen (Toulouse, Francia);