Page 38 - AWEMAINTA
P. 38
38 AWEMainta Diabierna, 18 Mei 2018
Farandula ta papia
‘A Concert for Mother’s Day
by Nico Connor & Friends’
DIASABRA anochi a tuma lugar den Teresita Center, ‘A concert
for Mother’s Day by Nico Connor & Friends’. Un concierto cu Nico
Connor, artista grandi den musica steelpan, ta presenta pa di dos
biaha especialmente pa tur e mamanan.
Nico Connor hunto cu friendsnan den musica; Etty Toppenberg, El-
tienne Yarzagaray, Shurby Maria tambe Ivan Quandus y rumannan
Eugene Jones y Lee Connor, a sa di duna un tremendo presentacion
riba e anochi bunita aki, treciendo un tremendo ambiente den e sala
di Teresita Center unda e mamanan a lanta baila y goza nan anochi.
Durante e anochi aki, Nico Connor a presenta su album nobo su
CD ‘Nos Tesoro’ Crioyo Vol. 3. Bautismo di e CD a wordo haci pa
Sr. Harry Croes y Sr. Stanley Dabian, dos persona dedica na Cultura
di Aruba y cu semper a sa di duna Nico Connor nan apoyo total pa
cu su musica di steelpan.
Tambe tabata presente Sra. Gloria Connor Thomas, mama di Nico
Connor cu no ta un desconoci den nos comunidad, den pasado a
dedica su mes hopi na musica como maestra di piano clasico y arreg-
lista di Aruba Invaders Steel Orchestra, cu tabata e steelband dirigi
pa su casa e legendario Sr. Edgar Connor tata di Nico Connor.
Sra. Gloria Connor Thomas a disfruta di e anochi y tabata hunto cu
Nico Connor riba escenario na momento di bautismo di e CD ’Nos
Tesoro’ Crioyo Vol 3, cu porcierto tin un cancion dedica na dje cu ta
hiba e nomber ‘Cadena di Oro’, un montuno bunita cu Nico Connor
a dedica na su mama.
Den cuadro cu celebracion di Dia di Mama den luna di mei, tin un
prijs special pa e CD ‘Nos Tesoro’, cu ta Afl. 25,00, y entrante prome
di Juni prijs lo ta Afl. 35,00.