Page 5 - AWEM
P. 5
AWEMainta Diamars, 22 Maart 2016 5
Accidente serio
ayera mainta
banda di WEMA
Santa Cruz
AYERA mainta prome cu 6or a sosode un accidente serio na
Santa Cruz unda tabatin 3 vehiculo envolvi.
Un Daewoo Lanos tabata bayendo direccion pa Club Estrella y
tabata na altura di Wema Santa Cruz, coriendo dilanti di un
truck di Serlimar.
Di direccion contrario tabata bin un otro auto. E auto aki a mishi
cu e Daewoo Lanos y djey sigui bay perde control y dal den e
truck di Serlimar. Un impacto hopi grandi.
Dos hende tabata den e auto cu a dal den e truck di sushi y tur
dos sin seatbelt bisti. Nan a keda herida cu basta sla na curpa.
Dos ambulance a presenta y asina a cuminsa asisti ambos herido.
Un di nan tabata mas serio cu e otro.
Polis a sera e caminda mesora pa haci un investigacion por a
tuma lugar. Tambe p’e paramediconan por a traha mas trankil.
E velocidad dimes tabata hopi halto pasobra e daño material ta
masha hopi. 
