Page 69 - KPA OCT 15,2015

Hobennan di Sonrisa encanta cu
presentacion di K9

on: October 14, 2015In: LocalNo Comments
Print Email

Siman pasa e Unidad K9 di Cuerpo Policial a haci un bishita y un presentacion impactante na
Sonrisa, unda cu clientenan di e centro a keda encanta cu e cachonan y tur loke e cachonan por
haci. Dirk Lemmens, trainer di Belgica cu tabata na Aruba pa duna un curso special di un siman,
a compaña e team cu a duna e presentacion.

Lemmens a expresa durante di e presentacion cu “den cinco minuut nan tabatin mi curason”,
referiendo na e hobennan entusiasma. E trainer a priminti cu e lo bay haci algo pa e hobennan di
Sonrisa na Belgica, e no tabata sa ainda kico, pero lo mester bay brainstorm y lo haci algo sigur
pa nan. “Awe tabata un dia fantastico,” Lemmens a agrega.

E hobennan a hasta haya bisti e paknan pisa cu e trainernan ta bisti pa nan no wordo mordi den
entrenamento. Asina nan tambe a sinti un poco con e ta pa traha cu e cachonan.

Un detaye hopi special tabata ora cu Dick Lemmens a pidi nan pa yud’e scoge un nomber pa su
puppy nobo, cu e lo ricibi na januari 2016. El a splica cu na Belgica tur cacho di rasa, no importa
cua rasa, cu tin un “stamboom” y nace den un cierto aña ta ricibi un nomber cu ta cuminsa cu e
letter cu a wordo scogi pa e aña ey. Na 2016, esaki ta e letter “P”.

Richard Kramers, coordinador di K9 Unit di Aruba a splica cu esaki ta un di e presentacionnan
cu e unidad ta haci durante di aña. E team ta particularmente druk cu presentacionnan pa
muchanan di scol den e lunanan di juni y juli.

E scolnan hopi biaha ta combina e presentacionnan cu un sportdag of otro actividad. Tambe e
Unidad di K9 ta duna diferente presentacion na gruponan di padvinder y camping durante di
vakantie.