Page 70 - MIN MICHELLE HOOYBOER WINKLAAR

Pa loke ta trata St. Aloysius School, por menciona cu e scol ta uno cu a tuma nota di dje,

unda cu nan a tene un walkout, a base cu e scol ta den un mal condicion. Pero e

assessment cu a wordo haci pa cu durante di preparacion pa eleccion, unda cu St.

Aloysius tin dos stemlokaal ubica den dje, manera palabra cu Censo. A bay wak e

condicion di e stemlokaalnan, a ripara cu tin algun mankement na e scol. Por ehempel e

iluminacion bao di e galeria y un wc cu no tabata funciona.

Como tal, ya nan ta eynan preparando pa e stemlokaalnan, a haci e trabao pa cambia tur e

luznan, kabel pa e luznan por cende y haci mantencion, unda cu por haci, pa kita e

mankementen.

Den un mal estado e scol no ta, segun Croes. E mankementen chikito a tene cuenta cun’e,

cual ta haciendo caba, den cuadro cu eleccion. Pero remarcabel ta cu tin un melding

systeem cu tin cu tuma luga via nan sistema na DOW, unda cu si tin un storing na e scol,

algo ta fayando, falta mantencion, por manda un email na nan website. Tin un folder cu a

prepara tur e scolnan, informando tur cabesante, cu e ta bay den nan sistema y a base di

esey ta haci un assessment, wak kico e ta, duna conseho kico pa haci y cuanto e ta bay

costa.

Di Aloysius School no a haya ningun melding cu tabata tin un problema. Esey a straña

DOW ora cu a bay haci un reconteo pa mira si por a faya den nan sistema di no a haci

mantencion riba e melding y no a haya ningun melding di Aloysius. Esey ta e parti poco

fastioso, pero ta bay ta bezig y ta combersando cu e cabesante di scol pa wak kico por a

bay fout y unda por mehora e relacion, con pa traha for di awo p’adilanti.