Page 26 - HOSPITAAL

WKF: Bo humamento por tin efecto

negativo riba e salud di bo sernan keri

Posted on 06/12/2018 10:17 am AST | Updated on 06/12/2018 10:18 am AST

ORANJESTAD - Apesar cu bo ta un persona cu no ta huma, humamento por tin efecto
riba bo salud tambe. Asina Koningin Wilhelmina Kanker Fonds ta bisa den un
comunicado. Con esaki ta posibel si bo tur dia bo ta cuida bo salud? Second-hand tobacco
smoke, esta e fectonan secundario di humamento, por haci bo malo apesar cu bo mes no
ta huma. Si bo ta den un lugar publico y e hendenan rond di bo ta huma, of bo ta na
trabou y bo coleganan ta huma of na cas un ser keri di bo ta huma, bo ta exponi na huma
y bo ta inhala e huma di tabaco aki.

Segun e American Cancer Society, e huma di tabaco tin como 7000 kimico den dje di
cual un cantidad grandi di nan ta dañino y sigur como 70 ta conoci pa causa cancer den
hende. E huma aki ta wordo inhala door di tur hende, incluso mucha y baby y un hende
cu no ta huma por asta haya cancer di pulmon door di inhala huma di otro hende.