Page 32 - flip Min.Vos

Dialuna atardi a drenta informe di cu tin un paciente a bira furioso den e
consultorio di dokter na Noord y ta lantando cu tur hende eynan, mesora a dirigi un
patruya na e sitio. Na yegada di e patruya a bin compronde cu e paciente a bini
mainta caba pero no a haya lugar y nan a dune un cita pa 1'or di merdia. Merdia ora
e paciente a regresa ela yega tempran y despues di cu 1'or y 30 minuut a bati ela
nota un otro dama a drenta prome cun'e. Despues di a nota esey ora ela pasa cerca
e dokter ela reclama e dokter. E dokter a atende cun'e y ela bisa e dokter cu ta un
verwijsbrief e mester di e dokter pa e haya un bril pa e por wak mihor ya cu su
wowo a bay atras. E dokter a pidi'e un papel di e optica pero e no tabata tin esaki. E
dokter a bis'e pa e sali pero e paciente no a keda conforme y tabata desea e verwijs
brief y eynan a cuminsa zundramente y halzamento unda hasta e dokter lo a insulta
mama di e paciente. Polis a papia cu ambos y e dokter a bisa cu e no kier e
paciente ey mas como su paciente cual mensahe e paciente a ignora ya cu e mes lo
a keda di busca un otro dokter.