Page 15 - BNDIA ARUBA

A15
HENDE Diaranson 2 Mei 2018

Concierto Dominical Donny Laclé a surpasa tur expectativa

ORANEJSTAD – Recientemente a tuma luga Conci-
erto Dominical Donny Laclé na Café Musical den bib-
lioteca na Playa.

E concierto a cuminsa cu presentacion di Tali Wever, cono-
cido cantante y guitarista. Tali a toca un variedad di cantica ,
entre otro: En mi Viejo San Juan, Usted , Madrigal. Ora Tali
a caba di toca un tango, ata sorpresa!. Entre e bishitante nan
tabata presente e pareha Alexander y Irina Berkley, kendenan
ta bailado profesional di tango. Nan tabata dispuesto pa duna
un show. Tali a toca e tango Zura Y Alexander y Irina a bai-
la un tango. Un presentacion di calidad cu a impresiona tur
hende E publico a keda encanta y a duna Alexander y Irina un
aplauso grandi. Esaki ta segun e comunicado cu nos a ricibi.

A sigui un pausa chikito, e siguiente grupo a cuminsa prepara
y e caha di glas a pasa rond. Loke e fundacion ta ricibi den e
caha di glas ta destina pa fin di aña yuda nos hoben talentonan
musical paga nan lesnan pa nan sigui progresa den nan for-
macion musical.

Despues a sigui un bunita presentacion di Melodia, bou di-
reccion di Rubin Ponson. Melodia ta consisti pa un gran parti
di talento hoben y algun adulto. Durante na 7 aña di existen-
cia nan a saca sigur 12 CD. E produccion mas recien ta un CD
cu a sali na luna di maart, cu ta contene diferente tema dedica
na nos dia nacional, entre otro e wals Canto biaha. Ademas
nan a toca Ta muhe ta manda mundo, Wayaca, Dos Gardenia
y algun mas. E bishitantenan no por a wanta mas y a subi pista
di bale pa marca algun paso

E cherry riba e bolo tabata ora cu Mariachi Perla di Aruba,
cual grupo no mester di mas introduccion, a drenta e sala to-
cando. E publico a canta manera un coro gigantesco ora cu
Mariachi Perla di Aruba a trece e canticanan inmortal manera,
Volver , El Mariachi Loco, El Rey y algun ranchera mas.

Mester menciona cu Mariachi
Perla di Aruba, bou direccion
di Miguel van der Linden, dia
16 di mei venidero ta celebra
no menos cu 62 aña di exis-
tencia! Comision organisado ta
mira bek riba un otro concierto
exitoso y ta gradici Tali Wever,
Melodia y Mariachi Perla di
Aruba, pa nan tremendo con-
tribucion na e concierto aki.
Manera ta custumber, tur tres a
ricibi un certificado di aprecio
pa nan participacion.
E siguiente Concierto Domini-
cal lo tuma luga diadomingo
27 di mei 2018