Page 32 - BNDIA ARUBA
P. 32
A32 LOCAL
Diaranson 2 Mei 2018
Caminata di fundacion VeneAruba tabatin menos
participante cu aña pasa
ORANJESTAD – Diadomingo atardi un grupo di hende
mayoria di nan di origen Venezolano a congrega riba
plasa Simon Bolivar pa participa den e di dos caminata
familiar organisa pa fundacion VeneAruba.
E biaha aki e caminata Unidos por los niños de Venezuela su
meta tabata pa recauda fondo y yuda mengua e situacion di
hopi muchanan cu lo por muri pa causa di hamber y falta di
nutricion den e pais bisiña aki.
Ursula Boom Peralta kende ta miembro di e fundacion aki
a declara na Bon Dia Aruba cu nan a keda satisfecho cu e
acogida cu e caminata aki a haya. Sinembargo nan ta ripara
cu e participacion tabata menos cu aña pasa. Nan ta haya cu
tabatin suficiente persona a pesar di e ‘miedo y temor’ cu nan
tabatin pa asisti na e caminata aki.
El a haci un yamada na e comunidad den general, pero muy
particularmente na e comunidad Venezolano pa mantene nan
union y apoyo. “Ban mantene bibo nos spirito humanitario cu
ta caracterisa e Venezolanonan”, el a bisa.
Na final di e caminata esunnan cu a participa a wordo recrea
cu musica di e folklore Venezolano, y algun di nan a ricibi
premio y tabatin rifa tambe.
