Page 6 - DESPA

EROMIL BAKMEYER

CANDIDATO (POR) CON TA

PARA NA ARUBA CU E

IMPLEMENTACION DI

DERECHO DI MUCHA?

ORANJESTAD, Aruba

Den un articulo anterior mi a pidi e pueblo di Aruba pa na september venidero vota pa e
derechonan di muchanan na Aruba, pa asina nos por crea un mihor futuro pa cada un di

nos. Den e articulo aki mi kier elabora ria con ta para cu e derechonan di mucha na Aruba?
Nan ta wordo implementa?

Recientementa a wordo publica riba Caribisch Netwerk un articulo y entrevista cu

Kinderombudsvrouw Margrite Kalverboer tocante un estudio cu e la haci na Boneiro, St.
Eustatius y Saba, caminda 450 mucha a duna nan opinon tocante nan calidad di bida y nan
felicidad. For di e estudio aki a sali cu e derechonan di mucha no ta wordo implementa

manera debe ser riba e islanan aki (“slecht aan toe”). Un paar di observacion di e
muchanan mes over di nan bida: Calidad di enseñanza ta muchu abau, pobresa ta un
problema grandi, nan no ta haya atencion na cas, nan ta victima di maltrato verbal, fysico y

sexual, nan no ta bai school tin biaha pa motibo di falta di transporte, nan tin tiki opcion pa
sigui studia, no tin nada di haci pa muchanan riba e islanan, nan no ta haña respet di
mayornan of educadornan, nan ta siti cu nan no ta wordo scucha door di mayornan of

educadornan, nan mayornan ta traha muchu y no tin tempo pa nan, nada no ta wordo haci
contra ‘bullying’, mal transporte publico ta un problema. Asina mes e muchanan ta bisa cu

nan ta felis: na Bonairo nan ta duna nan bida un cijfer di 8,4, na Saba un 7,9 y na Sint
Eustatius un 7,6. Esaki mi ta kere ta mas bien un refleho di e elasticidad di muchanan cu tin