Page 39 - KPA 6 Feb"15

http://www.24ora.com/local-mainmenu-5/91483-university-of-aruba-social-work-students-train-police-
in-domestic-violence

Extra esfuerso di Polis pa problema cu hobennan

Thursday, 05 February 2015 18:24
Comparti

"No ta de bes en cuando, sino semanalmente nos departamento ta activo cu tur sorto di campañanan di
prevencion sea na scol, cu ekiponan deportivo, na cas di hende den barionan, na negoshinan y asina mi lo
por sigui menciona", asina Lito Lacle, hefe di e departamento di Comunicacion, Informacion y
Prevencion di Cuerpo Policial Aruba a indica.
"Kere mi cu nos conoce e problemanan den nos hubentud y nos ta trahando duro riba prevencion y evita
cu nan tatuma e caminda robes". Cuerpo Policial Aruba ta mirando e problemanan constante cu
hobennan cu un wowo masha estricto mas, un poco preocupa, pero na mes momento determina pa sigui
traha riba metodonan di prevencion. Den caso cu no por otro, lo aplica ley y uza represion pa corigi
actonan contra ley. E diferente casonan bou investigacion na e momento aki no lo stroba ni minimalisa e
campañanan di prevencion. "Pa loke ta e caso cu a tuma luga e siman aki na EPB San Nicolas, mi lo no
por bisa nada, debi cu tin un investigacion penal andando di parti nos coleganan di Jeugd en Zeden
Politie. Nan ta scuchando sospechosonan y testigonan den e caso lamentabel aki. Esaki no ta cos di
mucha mas, sino ta trata aki di delitonan criminal y cu tin consecuencia pa esunnan cu haci nan mes
culpabel", asina Lito Lacle a enfatisa. Di otro banda, e mesun departamento cu e ta encabesa den e
organisacion policial tabata masha activo ultimo aña, cu tur sorto di charla, tayer y anochinan di
informacion. Un di e temanan cu mas ta duna atencion ta "bullying", "peer pressure" den grupo y hopi
tema mas cu ta masha comun bou di hubentud. Separa di e departamento di prevencion, nan ta haya
sosten di Polisnan di Bario cu den forma activo tambe ta envolvi cu diferente scol den tur districto. No
solamente nan tin contacto directo y permanente cu directiva di e scolnan, sino nan mes ta actua tambe
den caso di delitonan of mal comportacion. E mesun Polis di Bario, tradicionalmente un Polis cu mas
experiencia den e trabou, ta organisa charlanan di prevencion den klas pa asina papia cu e studiantenan y
mustra nan riba consecuencia di nan actonan. EPB San Nicolas por ehempel ta haya atencion special y
adicional di Polis, debi na multiple casonan y kehonan entrega di parti studiantenan, nan mayornan y
hasta di docentenan. E situacion na e scol ta rekeri extra atencion di autoridad, no solamente cu man
duro pa pone ordo, pero den un esfuerso mas social tambe pa purba haya e studiantenan riba un miho
caminda den nan bida. Den e cuadro aki a opta pa tur dialuna duna un man activamente na e
"Naschoolse Opvang" di EPB San Nicolas. Despues di scol a pone extra patruyanan di Polis den e area, cu