Page 46 - KPA 10Jan2015
P. 46
Polis ta sigui mas cerca di nos hobennan
Friday, 09 January 2015 21:06
Comparti
Apenas aña nobo a habri cu ya John Larmonie y Lito Lacle di e departamento di Comunicacion,
Informacion y Prevencion di Crimen di Cuerpo Policial a tene nan prome charla pa aña 2015 na un grupo
di hoben.
E tema tabata Carnaval y a probecha di biaha pa habri e combersacion cu e hobennan di Stars Baseball
Organization tocante di droga y alcohol, peligernan durante di e temporada di Carnaval y escogencianan
corecto y beneficioso.
E charla a tuma luga na cas di e mayornan di un di e hungadonan di e team. E hobennan, kende ta varia
di edad entre 12 y 15 aña, ta hopi activo den nan deporte y nan mayornan y dirigentenan di e team a pidi
Polis pa ofrece e charla aki pa contribui na nan formacion y desaroyo positivo.
John Larmonie a splica cu e charla tocante temporada di Carnaval ta uno hopi popular cu ta wordo duna
hopi na scolnan. Pa e grupo aki a añadi algun informacion manera menciona anteriormente, pa asina
hiba un combersacion activo cu e hobennan tocante topiconan specifico pa cual nan a mustra mas
interes.
John Larmonie a splica cu e factor principal di tur e charlanan ta e consehonan cu nan ta comparti pa
motiva e hobennan pa tuma decisionnan corecto y evita problema. E charlanan aki ta wordo organisa
durante henter aña sin costo algun pa tur tipo di organisacion, for di negoshinan pa scolnan y clubnan di
hende grandi, como tambe hotelnan y vakantie kamp pa mucha.
Cuerpo Policial tin algun charla cu ya ta standard, pero ta wordo semper adapta na e caracter di e grupo,
pero tambe Larmonie lo traha presentacionnan tocante topiconan specifico dependiendo di e peticion
ricibi y e grupo meta.
Den caso di e grupo aki a discuti tambe e trendnan cu ta lantando cabes (atrobe), manera gang,
spacecake (bolo cu ta contene droga) y casonan di violacion cu ta envolve droga, etc.
E reaccion di e hobennan tabata positivo, Larmonie a bisa, añadiendo cu e participacion tabata hopi bon.
En general, y cu e grupo aki sigur, por ripara cu hopi hoben ta aprecia e charlanan aki y ta compronde cu
e intencion tap a yuda nan pa medio di duna nan informacion cu nan por beneficia di dje awo y den
futuro, segun Larmonie.
Cuerpo Policial cu guia nos hobennan pa nan keda riba e caminda corecto. Historicamente semper Aruba
tabatin hopi talento pa deporte, pero pa yega leu mester yuda e hobennan pa nan controla
distraccionnan, pa nan ta consciente di ken ta nan amigonan, pa nan keda for di alcohol y droga, entre
otro. Ta importante pa nan adopta un mentalidad cu un bista diferente riba bida, unda cu nan ta menos
atrae pa cosnan riba caya, Larmonie a remarca.
Friday, 09 January 2015 21:06
Comparti
Apenas aña nobo a habri cu ya John Larmonie y Lito Lacle di e departamento di Comunicacion,
Informacion y Prevencion di Crimen di Cuerpo Policial a tene nan prome charla pa aña 2015 na un grupo
di hoben.
E tema tabata Carnaval y a probecha di biaha pa habri e combersacion cu e hobennan di Stars Baseball
Organization tocante di droga y alcohol, peligernan durante di e temporada di Carnaval y escogencianan
corecto y beneficioso.
E charla a tuma luga na cas di e mayornan di un di e hungadonan di e team. E hobennan, kende ta varia
di edad entre 12 y 15 aña, ta hopi activo den nan deporte y nan mayornan y dirigentenan di e team a pidi
Polis pa ofrece e charla aki pa contribui na nan formacion y desaroyo positivo.
John Larmonie a splica cu e charla tocante temporada di Carnaval ta uno hopi popular cu ta wordo duna
hopi na scolnan. Pa e grupo aki a añadi algun informacion manera menciona anteriormente, pa asina
hiba un combersacion activo cu e hobennan tocante topiconan specifico pa cual nan a mustra mas
interes.
John Larmonie a splica cu e factor principal di tur e charlanan ta e consehonan cu nan ta comparti pa
motiva e hobennan pa tuma decisionnan corecto y evita problema. E charlanan aki ta wordo organisa
durante henter aña sin costo algun pa tur tipo di organisacion, for di negoshinan pa scolnan y clubnan di
hende grandi, como tambe hotelnan y vakantie kamp pa mucha.
Cuerpo Policial tin algun charla cu ya ta standard, pero ta wordo semper adapta na e caracter di e grupo,
pero tambe Larmonie lo traha presentacionnan tocante topiconan specifico dependiendo di e peticion
ricibi y e grupo meta.
Den caso di e grupo aki a discuti tambe e trendnan cu ta lantando cabes (atrobe), manera gang,
spacecake (bolo cu ta contene droga) y casonan di violacion cu ta envolve droga, etc.
E reaccion di e hobennan tabata positivo, Larmonie a bisa, añadiendo cu e participacion tabata hopi bon.
En general, y cu e grupo aki sigur, por ripara cu hopi hoben ta aprecia e charlanan aki y ta compronde cu
e intencion tap a yuda nan pa medio di duna nan informacion cu nan por beneficia di dje awo y den
futuro, segun Larmonie.
Cuerpo Policial cu guia nos hobennan pa nan keda riba e caminda corecto. Historicamente semper Aruba
tabatin hopi talento pa deporte, pero pa yega leu mester yuda e hobennan pa nan controla
distraccionnan, pa nan ta consciente di ken ta nan amigonan, pa nan keda for di alcohol y droga, entre
otro. Ta importante pa nan adopta un mentalidad cu un bista diferente riba bida, unda cu nan ta menos
atrae pa cosnan riba caya, Larmonie a remarca.
