Page 37 - Djasabra 28 aprel 2018.pdf
P. 37
Djasabra 28 Aprel 2018 39
Di akuerdo ku direktor di Optima, drs. Arthur Nivillac
Tin hopi sindikato i dunadó di
trabou ku ke konseho di BRA
For di 2014 te ku awor por nota un oumento kada aña
WILLEMSTAD.- Tin un servisio manera esun di (BRA). Konstantemente tin
nesesidat grandi pa un Bureau Rechtshulp Arbeid no solamente sindikatonan
sino tambe dunadónan
di trabou ku ta aserká e
entidat aki pa konseho
riba situashonnan ku
surgi òf konfliktonan
laboral. I BRA semper ta
duna su konseho òf fungi
komo un intermediario pa
buska un solushon. Esei
EXTRA por a komprondé
for di deklarashon di drs.
Arthur Nivillac, direktor
di di Optima BV, ku ta e
kompania madre bou di
kua BRA ta resortá. Segun
sr. Nivillac, for di algun aña
pasá e aserkamentu dor
di e diferente aktornan a
start, i awe el a nota ku e
aserkamentu a bira algu ku
oblig’é na krea un kapítulo
apart pa atendé e tipo di
kasonan aki.
E preguntanan ta birando
hopi. Na momentu di duna
un konseho, ta invitá sea
e dunadó di trabou òf
trahadó pa sa kiko ta nan
preokupashon por nota
ku e kosnan tin biaha por
ta kompliká i ta rekerí pa
envolví un hurista òf kualke
otro profeshonal. For di
aña 2014 Optima a ofresé
su mes pa duna konseho
riba e tereno aki sin ku
e tabatin nada ofisialisá
ainda pa sa kon grandi e
nesesidat ta. Den e promé
aña tabatin 30 petishon,
pero atraves di añanan
el a sigui subi; i asina na
2015 el a bira 56 kaso; na
2016 el a subi na 102; i na
aña 2017 el a atendé 156.
Si tuma nota dje sifranan
den aña 2018, e por bisa
ku te awor e personanan
(trahadó òf dunadó di
trabou) ku ta aserká Optima
ku preguntanan ta na un
promedio kaba di entre
25-30 pa luna. Segun sr.
Nivillac, den e kasonan no
tin solamente esnan ku tin
di aber ku kondishonnan di
trabou, sino ku hopi di nan
tin di aber ku aspektonan
hurídiko. Esei ta trese kuné
ku Optima tin di envolví
profeshonalnan hurídiko
(abogado). N’e momentunan
aki Optima/BRA ta trahando
ku dos abogado den
personanan di Roald Tromp
i Jo Anne Meulen.
Sr. Nivillac a hasi
menshon di ehèmpelnan
Sigui lesa pagina 45
