Page 4 - BRANDWEER DEC 12,2014

campaña general di conscientisacion pa cu siguridad na momento di tira clapchi.
“E ta un gesto hopi bunita, pasobra e parti ey bo no ta pensa riba dje na ora di tira clapchi. Bo sa cu e ta
spat, bo sa cu tin e peliger. Pero ja, semper tur cos a bay bon, anto ora e bay malo…nos ta ripara cu hopi
biaha ta muchanan, cu un cos a bay den wowo, e orea a keda ta fluit y dañonan na orea cu wowo ta
dañonan pa semper,” Commandant di Brandweer, Edward de Cuba a expresa.
De Cuba ta añadi un invitacion pa tur hende pa keda pendiente pa ora cu anuncia e yegada di e safety
glasses, cu por wordo bisti over di e bril di bista, y e earplugs y pa busca un set gratis pa cada miembro
di famia cu ta bay tira klapchi.
E Comision di Vuurwerk tambe lo ricibi algun set pa nan mesun uzo y lo yuda promociona e articulonan
aki pa siguridad personal cerca e rebendedonan tambe.
De Cuba a bisa siguridad personal ta conta aki y cuidando e oido y bista “bo ta cuida bo futuro” tambe.
Bert de Vries di Oduber & Kan a comenta cu e compania aki tin, ademas di tur servicio di optica, un
mashin tambe pa check oido. E temporada nos dilanti ta uno unda cu oido y bista tin mester di extra
proteccion y Oduber & Kan kier yuda den esaki y a dicidi di regala e earplugs y safety glasses na tur
hende cu mester, tanten cu tin den stock.
E earplugnan y safety glasses no ta costa nada y lo ta obtenibel na e tienda na Cayena Mall, Caya Betico
Croes. Finalisando De Vries a subraya cu e ta spera cu e fin di e temporada di klapchi bay sin ningun
accident y sin daño personal.