Page 5 - HOH MARCH 4,2015

Mervin Wyatt-Ras: Evelyn mester cuminsa bin reunion pa haci
su trabou y stop di ofende hende ora ta trata renobacion di
Hospital

Tuesday, 03 M arch 2015 18:10
Comparti

Parlamentario Mervin Wyatt-Ras durante confrencia di prensa di fraccion di AVP a trese padilanti cu Evelyn
mester cuminsa bin reunion pa haci su trabou y stop di ofende hende ora ta trata renobacion di nos Hospital.
E Parlamentario a menciona diferente reunion den Parlamento cu a tuma lugar pa duna informacion y pa trata henter e
proceso di e bidding y a tuma decision cual compania cu lo haci e trabou di renobacion. No ta niun reunion “cuchi cuchi
of skondi manera Evelyn kier sugeri sino reunionnan den diferente comision pa bai mas profundo den e asunto, tur stuk
cu a ser presenta na un forma transparente a ser manda pa miembronan, y tambe den reunion public ora a trata
machting na gobierno pa traspasa e tereno y edificio. Pues Evelyn mester stop di ganja y ofende paso ora Evelyn bisa cu
reunion ta “cuchi cuchi” e ta ofende tambe e trahadornan cu ta organisa tal reunionnan. Pero MEP apesar di a hay
informacion a keda contra di e compania cu a gana e bid, pero esey ta un stadium cu ya a pasa paso ta den pleno
renobacion. Evelyn y MEP a yama professional pa corupto, esaki sin base. Wyatt-Ras ta desaproba. Pa loke ta trata
renovacion di salanan di operacion, fraccion di AVP a pidi minister pa e por chek mas aleu cu Hospital pa cual motibo
diripente kier renoba mientras cu anterior a bisa cu no mester renobacion. Alavez pa averigua di cual suma ta trat
pasobra e suma cu a ser menciona ta zona halto. Manera mester ta fraccion di AVP ta haci su trabou y ta critico pero no ta
ofende hende djies paso e decision no ta combine nan. Evelyn mester haci su trabou envez di ofende hende.

Comentarionan (1)

Mustra/Kita comentarionan

Justicia

March 03, 2015
2 0 1 .2 2 9 .1 0 .1 2 8

Votes: -2

...