Page 28 - ATA
P. 28
Insel Air no ta bula mas cu avion grandi,
retiro pa pilotonan
February 1, 2018
355
WILLEMSTAD – Insel Air a tuma e decision di no bula mas cu nan MD 80. Esaki
nan a confirma den prensa local. Un fuente ta confirma esaki na Bon Dia y cu
ya 6 siman pasa a cuminsa cu e proceso di retiro di pilotonan.
Un otro fuente ta bisa cu e intencion ta pa e compania principal di Insel Air na Corsou
tambe lo pidi pa bay bancarota. Sinembargo esaki no ta confirma ainda pa e gerencia.
Y segun director Edward Heerenveen e situacion ta status quo. Insel Air na Aruba ya a
bay bancarota.
Manera conoci gobierno di Corsou a fia e aerolinea 33 miyon florin. Awor sr.
Heerenveen ta bisa cu gobierno a nombra dirigentenan robes. Un di nan Gilles
Filiatreault a kita su trabou. E nombramento di representantenan di gobierno ta forma
parti di e deal entre Insel Air y gobierno pa haya e financiamento.
