Page 3 - DIGICEL

A cuminsa desconecta MIO poco poco despues cu no a
cumpli riba e fecha di prome di July

Tuesday, 04 July 2017 21:50
1

Comparti

MIO tabata tin un deadline pa cumplimento cu ta prome cu prome di July. Den e caso aki mester a
atende cu debenan atrasa cu ta 15 miyon di florin.

Minister Richard Arends durante entrevista a splica un tiki unda nos ta para awe. Nan no a logra di 2012
cu e Ministerio di Telecomunicacion y departamento di Telecomunicacion pa cumpli cu e debenan aki. A
bay over na trek in e licencia.Esey no ta algo usual pa gobierno y pa minister di asuntonan economico.
Gobierno tey pa garantiza un level playing field. E otro dos provider no ta paga e suma aki cu placer. Pero
esey ta e suma cu tin pa cumpli cune. E suma ta bin a base di estudio cu ta existi mas cu diez aña pasa
segun minister Richard Arends. E proceso di desconecta a inicia desde prome di July. No ta djis paga un
switch. Cualkier dia extra despues no ta ningun extension a wordo duba na MIO. Semper Aruba tabata
conoci cu inversion tin di haber cu esnan di afo cu ta drenta. Naturalmente cosnan mester bay gentlemen
like. Awor ta trahando pa mira si e usuarionan por cambia di provider. MIO mester notifica su clientenan
segun minister Richard Arends. A raiz di preguntanan cu a surgi ta bon pa duna informacion cu ta
publico e tema aki. Nan a comunica cu gobierno segun Minister Richard Arends. Ya caba ta den e
proceso pa yega na tur e celsitenan pa switchnan off. Ta diferente caminda tin e celsite. Nan ta
responsabel pa ruim op tur cos. Minister Richard Arends a splica cu nan a mira 14 aña despues cu e di
tres concesion duna no ta corecto pasobra dos mes ta suficiente. Gobierno no mester drenta den e parti
unda mester bisa MIO unda su clientenan mester bay awor cu ta desconectando MIO. Ta hopi dificil pa
comunica cu esnan cu tabata encabeza e compania y ta hendenan di exterior. Ta keda un 15 miyon habri
awor cu MIO a keda debe. MIO no tin permiso pa usa e netwerk mas y pesey nan por bende pero e
netwerk. E grupo aki ta un grupo internacional. E ta compronde MIO su pensamento segun Minister
Richard Arends. E tin un landsbesluit cu ta specifica tur cos y cu tabata conta pa tur e otro dosnan tambe
cu ta Setar y Digicel.