Page 17 - FLIP KPA

8 AWEMainta Diamars, 23 December 2014

Posibel corte circuito
den un dryer causa
panico na Dakota

AYERA madruga habitantenan di Mispelstraat a haya holor di

huma den nan area a bati alarma. A resulta cu huma tabata sali
for di parcela Mispelstraat 12. Polis a drenta e cas pa wak si tin
hende paden.
Asina nan a logra saca un señora grandi, kende no tabata sa nada
di loke a sosode. Polis a sigui controla den otro kambernan, pero
e huma diki a haci esaki hopi dificil.
Ta ser sospecha cu e huma ta bin for di e cushina y a pensa mesora
riba un posibel fuga di gas. Polis a sera boter di gas pa evita mas
desgracia.
Ta ser sospecha cu un dryer lo tin un kortsluiting, cu ta causa di e
candela. Pero asina cu a bisa cu un dryer lo t’e problema, a tuma
mas medida di precaucion.
A sera como 30 meter rond e cas y evacua bisiñanan pa miedo di
un posibel explosion. Bomberonan a yega un rato despues sigui cu
e control di e cas pa wak si tin habitantenan paden pero no tabatin
ningun alma mas, a bay mesora tambe pa wak for di unda e huma
tabata sali ya cu no tabata wak vlam.