Page 8 - AWEM 220515
P. 8
8 AWEMainta Diabierna, 22 Mei 2015
Otro asesinato
na Corsou
WILLEMSTAD - Diarason dia 20 di mei 2015 alrededor di
23.00’or, Central di Polis a ricibí notificacion di un tiroteo cu a
tuma lugar den becindario di un Hòfi na Sero Grandi.
Mesora Central a dirigí un unidad policial n’e sitio y nan a bin topa
cu un señora cu despues a resultá mama di e víctima pa indicá
caminda cu a scucha e tironan.
Na momento cu Polis tabata bay subi riba e tereno di e cas na Sero
Grandi, nan a mira un hòmber drumi abou na suela.
E hòmber víctima Antonio Paulina, naci na Còrsou,
4 di mei 1993 (22 aña) kende tabata drumi den un plas di
sanger no tabata duna señal di bida.
Dòkter di Polis a constatá morto di e víctima A.P. y riba òrdo di
Fiscal di Ministerio Público a confiscá e curpa sin bida pa mas
investigacion.
E investigacion den e caso aki ta continuá. Pre-eliminarmente ta
ser bisa cu a surgi un problema cu algun suheto na un otro sitio.
Pero e problema no a cay ey, y nan a dicidi di cay cas di e victima.
Cuanto hende ta envolvi den e caso aki, no por ser bisa ainda, pero
e ta mas cu un persona y tabata durante un forseageo y den esaki
un tiro a sali cu a alcansa e victima patras di su cabez.
Esaki tabata causa inmediato di morto di Antonio Paulina. Paz
na su restonan.
