Page 4 - BRANDWEER OCT 30, 2015

AWEMainta Diabierna, 30 Oktober 2015 3

Renobacion a start mesora

Renaissance
Island ta
“back in
business”

E ISLA ta pertenece n’e hotel, como cu nan no tin un

beach. Mas o menos 26 aña pasa a construi Sonesta
Island cu na caminda a cambia pa Renaissance
Island.

E restaurant a kima por completo diahuebs mainta.
No tabatin ningun daño personal, ni tampoco
e bestianan eyriba, debi n’e forma rapido cu e
empleadonan a activa y preveni expansion.
Mesora su tras, mientras cu ta investigando causa di e
candela, un grupo a start cu e preparacion pa renoba
e infrastructura riba e isla, pa garantisa continuacion.
Mesun diahuebs atardi gerencia a anuncia cu e isla
ta “back in business”.

A ruim op e restonan di e candela y ta cla pa
reconstrui un infrastructura mas grandi y mihor riba
e isla pa adultonan.
Mientrastanto a habri un bar nobo y a laga instala
BBQ pitnan pa por prepara BBQ, Hamburger, Hot
dog, saladanan y tur locual tin riba e menu. Cu esey
turistanan por disfruta di e beach, di e tennis court,
servicio di masashi, fitness center y por come y bebe
locual nan kier.
Diahuebs merdia caba a habri un di e dos beachnan
pa publico, mientras cu durante oranan di atardi a
keda cla cu e otro beach, cu ta habri diabierna mainta
7’or pa e prome huespednan cu subi e isla.
Renaissance Island ta conoci pa su adult only beach
y su family beach.

Di acuerdo cu e tradicion di Renaissance Resort,
ora algo asina sosode ta haci cu empleadonan ta bin
hunto y ta pone mannan na obra pa crea algo mas
grandi, mas bunita y mas espectacular, pa por sigui
cumpli cu e demanda di e huespednan di e hotel.
Cu e isla funcionando bek, ta demostra e compromiso
serio di Renaissance Resort den sigui inverti pa
por ofrece un bon producto turistico na tur nan
huespednan.

Renaissance Island ta pertenece na Renaissance
Aruba Resort & Casino. Nan ta 35 empleado cu ta
traha riba e isla for di 7or di mainta te cu 7or di
anochi. Den e grupo di hotel y casino, nan ta sera
750 empleado.