Page 41 - MIN .ON JUNE 15,2015
P. 41
16 AWEMainta Dialuna, 15 Juni 2015
Presenta pa Nuevo Mundo
Festival & Academy
Ultimo
Concierto cu
entrada liber
awe nochi
BOU di direccion di Simon Gollo, e famoso violinista
Venezolano/Suisso, Nuevo Mundo Festival &
Academy (NMFA) lo presenta su ultimo concierto
di Facultad y Studiante cu entrada liber awe nochi
na Cas di Cultura.
P’e concierto di Facultad, Jihye Chang, (Korea),
Piano; Jorge Montilla, (Venezuela), Clarinet y
German Marcano, (Venezuela), Cello lo toca un
obra di Johannes Brahms: Trio pa Clarinet, Cello y
Piano den A Menor, Op.114 (1891) consistiendo di
cuater movimento.
Manera ta costumber, e conciertonan di studiante
no ta ser anuncia di antemano y nan ta keda un
sorpresa. Tremendo sorpresa nan tur tabata!
Sorpresa placentero y impresionante p’e calidad di
e musiconan hoben.
Mañan e Nuevo Mundo Festival and Academy lo
presenta su Concierto di Gala pa clausura e festival
di e aña aki.
E concierto final lo tuma lugar den e salon grandi
di Cas di Cultura. Entrada p’e Concierto di Gala
cu presentacion di e Orkesta di Camara di Nuevo
Mundo Festival & Academy lo ta Afl. 35.00 of
$20.00.
Den e edicion di AWEMainta di diamars nos lo duna
mas informacion tocante e programa di e concierto
di clausura na Cas di Cultura.
