Page 6 - solo
P. 6
Pagina 6 Diahuebs 30 Juli 2015
Pa motibo di parkeerplaats:
Homber a keda deteni despues di a destrui tres auto di su
bisiña
Diarazon mainta den
careda di 9’or polis a
bay na altura di Caya
Betico Croes y rotonde
di Dadelstraat. E motibo
tabata un problema
entre dos bisiña, cu a
bay completamente for
di man. Ventana di dos
auto a wordo kibra y un
otro a haya varios deuk.
E motibo tabata cu,
segun e bisiña, nan ta
staciona nan auto den
su caminda y el’a bay
off y kibra tres auto. Na
yegada di polis e bisiña
cu a comete e acto
di destruccion a bay
sconde, na un bisiña
parti patras di su cas.
E mes un bisiña aki a
keda herida.
Polis a haya permiso pa
drenta e cas caminda e
homber a bay sconde
y asina a bay over
na deten’e. E mes un
homber aki a ser deteni
pa polis den pasado
pa un caso serio caba,
pero ta parce cu e
tin problema serio di
comportacion.
El’a ser transporta
pa warda, mientras
departamento tecnico
di polis a ser notifica pa
pasa caminda e autonan
a keda destrui.
