Page 22 - FUNDASHON LOTTO PA DEPORTE
P. 22
categoria (U20)
Mundo di deporte na Aruba ta sigui engradece su mes y den e ultimo aña siguramente e
deporte di coremento a bolbe cuminsa haya su popularidad entre e fanaticonan cu ta gusta
cana/core.
Desde 2012, Compra NV, a cuminsa na stimula su empleadonan pa asina join caminata cu hopi
biaha ta pa yuda un fundacion. Pa cu esaki Compra NV ta support e causa y tambe tene su
empleadonan saludabel cu movecion diario. Di un grupito chikito y awor mas menos 40
empleado cu ta keda activo bou di e nomber di ComprActivo. Durante e transcurso di e añanan
a wak diferente talento y mehoracion den e performance den e grupo ComprActivo, pero un
talento special a wordo nota den Jhonathan Kock desde su empleo cu Compra NV. Jhonathan
a dicidi di join e grupo y asina cuminsa participa den tur e caminata. Inmediatamente a ripara un
talento den Jhonathan cu a capta varios atencion y a ripara cu coremento pe a bira un pasion.
Mirando su desaroyo den e deporte y e entusiasmo di su banda, Frisian Flag / Compra lo ta e
patrosinador oficial pa Jonathan pa un temporada di 1 aña na unda tur su caredanan, vestuario,
keds y cualkier otro accesorio necesario lo wordo cubri pa asina e por focus den keda mehora
su mes.
Su prome careda bou di Patrosinio di Frisian Flag tabata pa e International Half Marathon Aruba
na unda a logra finalisa cu un tempo di 01:25:02 cu ta 5th place Overall y 1st place den su
categoria (U20). Pa e careda aki Jhonathan a pela su cabey y e a dedica e careda pa su amigo
cu ta batayando cu cancer na Colombia. Cu esaki ta demostra tambe Jhonathan su grandesa.
Den e ranking oficial di Patrishi Sports Jhonathan ta Rank Overall na di 4 lugar y ta lidera den
su categoria.
Planes di Jhonathan ta grandi, na final di 2017 hunto cu su coleganan di ComprActivo
Jhonathan a bay Korsow pa a core su prome Marathon, cu e la logra den 03.32.14 cual a pone
den e 11 lugar overall. Mei proximo Jhonathan a pone su meta pa asina participa den Ronde
van Aruba na unda lo bay pusha su mes na finaliza e 72km y Juni lo join KLM marathon pa un
otro 42km.
