Page 6 - ECOTECH JAN 27,2015

Bario di Simeon Antonio ta fada di e candela riba
dump

· Jan 26th, 2015
· Local, Splash

Awa a cuminza pasa hariña pa loke ta e candela cu tin basta aña caba ta cendi riba dump cu tin e bario
di Simeon Antonio cansa y ta haci un yamado un bes mas na minister di medio ambiente y e
departamentonan pa haci algo.
Segun Marjorie Vermeer, conocido fotografo y co-propietario di Checkpoint Color, e preocupacion ta hopi
grandi y e bisiñanan ta keda alerta. Tin un comision, tin un fundacion Parkietenbos, y e señora Edith
Koolman, kende ta e presidente, a papia cu lo bay bin cu un reunion urgente pasobra kier claridad.
E habitantenan mester warda cu tin 100 mil plan riba mesa, pero nunca no a wak final di esaki. Tur
hende sa cu ta papiando cu tin Ecogas. Bedoeling ta cu ta bay haci proceso di sushi. Sinembargo ta
tende un otro banda, pero Serlimar no ta bay hiba sushi si Ecotech no paga pa esey.
Di un otro banda ta puntra ki dia ta bin cu algo pa drecha e situacion cu tur e huma, cu tur e muscanan,
cu tur e desperdicio, cu tur caminda ta wordo tira. Ta bisa cu nos ta un pais moderno, green, pero no por
tin un tint asina. Ta bisa cu gobienro ta bezig, gobierno ta bin cune. Tur hende sa cu tur pais di mundo tin
problema cu dump, pasobra tur hende tin sushi. Tur e solucionnan a wordo pensa caba. Segun Vermeer,
no mester inventa e wiel di nobo. Segun Vermeer, parce cu Dump mes, cu nan mes kier bin cu un planta.
Awor e cuestion ta pakico. No sa cu gobierno tin e facilidad of e conocemento, pasobra no mester tin tur
cos den cas, pero mester dirigi.
Si haya un compania di afo pa hacie, lage hacie. Gobierno ta mayorista den e fundacion. Si esaki no haci
bon, busca un otro.
Vermeer ta urgi gobienro pa busca un otro compania pa bin cu un proceso nobo. Aruba ta un isla di
turismo, si wak con e lama na Parkietenbos of na NIkki Beach, por mira con sushi e lama ta pasobra tur e
garbagejuice ta bay den lama. Awor ken mester bisa ken. Nos ta conciente di loke ta pasando. NOs ta un
isla responsabel, nos ta turismo. Ta masha cos cu a menciona di e miyon di turista cu a bin, pero ki dia lo
bin cu regla caminda ta mustra cu dump ta e prome prioridad cu mester aplica.
Pregunta di Vermeer ta “hasta cuando y kico gobierno ta spera di e habitantenan pa haci”, pa haya un tiki
atencion. Gobierno ta conciente, pero e habitantenan no por wanta mas.

http://masnoticia.com/bario-di-simeon-antonio-ta-fada-di-e-candela-riba-dump/